Visitor Count

Up Down Scroll

गजल ३७ (मर्नेहरु मरे नि माटो सुध्रिएन)

मर्नेहरु मरे नि माटो सुध्रिएन
देश हिड्ने गरेको बाटो सुध्रिएन


भागबण्डा गरेर सँगै खाए पनि,
दाजु–भाईबीचको फाटो सुध्रिएन

न्याय बिक्ने बजार चलेकै छ यहाँ
यो देशको कानुनी पाटो सुध्रिएन

जनताले चिच्याए, बोल्न सिकाउदै
तर पनि किन खै ! लाटो सुध्रिएन

धनाढ्यको सपना बोक्नेहरुबाट
मिसावटी ढिंडो र आँटो सुध्रिएन


योगी स्मृतिरोगी रामबहादुर गुरुङ ‘सर्वत्रापमानित’
.