Visitor Count

Up Down Scroll

गजल ३५ (इच्छाहरु मारेर जिउनु परेको छ)

इच्छाहरु मारेर जिउनु परेको छ
आफैसँग हारेर जिउनु परेको छ


अपेक्षा र सपना उड्न खोज्दा माथि
जवर्जस्ती झारेर जिउनु परेको छ

बस्न खोज्थ्यो मनले एकातिर बास
बासै अन्त सारेर जिउनु परेको छ

कल्पनाको महल बनाएथें ठूलै
भताभुङ्ग पारेर जिउनु परेको छ

बग्छु भन्छ पीडाले आँसु नदी हुदा,
सीधै पारि तारेर जिउनु परेको छ


योगी स्मृतिरोगी रामबहादुर गुरुङ ‘सर्वत्रापमानित’
.