Visitor Count

Up Down Scroll

गजल ६६ (भ्रष्टाचार मौलाएको गाउँको कुरा गर्छु)

केन्द्र हैन म त आफ्नै ठाउँको कुरा गर्छु
भ्रष्टाचार मौलाएको   गाउँको कुरा गर्छु


कति हुन्छन् अपराध    पर्दाभित्र यहाँ
छोरी मार्ने बलत्कारी बाउको कुरा गर्छु

अस्वस्थ छ प्रतिष्पर्धा      कुर्सी लडाउने
आफू माथि जान खोज्ने दाउको कुरा गर्छु

मान्छेहरु स्वार्थ लुट्न के पो गर्दैनन् र ?
चाकडीमा मल्नु पर्ने   पाउको कुरा गर्छु

मानवको तस्करमा    कुम्ल्याउँथ्यो धन
आज त्यही समाजसेवी नाउँको कुरा गर्छु


योगी स्मृतिरोगी रामबहादुर गुरुङ ‘सर्वत्रापमानित’
.