Visitor Count

Up Down Scroll

अबको नयाँ नेपालमा, नयाँ संविधानमा

दलित, महिला, उत्पीडितले मूक्ति पाउनुपर्छ
सबको पहूँच हुने राज्य–सत्ता आउनुपर्छ


पिछडिएका–हरुले प्राथमिकता पाऊन्
नाता, पहूँच, पार्टीनिकट सोंच हटाउनुपर्छ

गणतान्त्रिक नेपालमा सबै समान भई
उच–नीच, विभेद, दास–त्व हटाउनुपर्छ

राजनीतिमा सकारात्मक विचारहरु ल्याई
कुर्सीको खेल छाडी नयाँ रीत बसाउनुपर्छ

अहमता र स्वार्थ त्यागी यो राष्ट्रको लागि,
अग्रगामी विकासको पथ पहिल्याउनुपर्छ

जनजाति, मधेश, प्रदेश सबलाई समेटेर,
अब देशमा विकासको लहर आउनुपर्छ

कति रोज्ने पटक–पटक संघर्षको बाटो
सब जनताको साझा संविधान बनाउनुपर्छ


योगी स्मृतिरोगी रामबहादुर गुरुङ ‘सर्वत्रापमानित’
.